Segurako Kirol Elkartea 1986an sortu zen, eta bi kirol ezberdinez osaturik dago:

• Mendizaletasuna. Antolatzen diren mendi irteerak edonorentzat irekiak daude eta eskolaz kanpoko aktibitateen barnean sartzen dira. Urte hasieran, parte hartuko duten ikasleen gurasoen laguntzaz, urteko egutegia antolatzen dute. Abenduak 31 Aizkorrira irteera ere antolatzen da. Irteera hau oso errotuta dago  eskualdean eta bertara mendizale ugari jaoten dira. Nahiz eta egoitza propiorik ez eduki Kultur Etxean elkartzen dira.
• Pilota. Seguran pilota oso garrantzitsua izan da historian zehar, benetan pilotari onak emanez. Gaur egun ere zaletasun horrek bizirik jarraitzen du. Garai batean, herriko plazan, ERREBOTEAN, jokatzeko ohitura zegoen. Gero eliza ondoan dagoen "Beti Alai Aste ta Jai", Frontoi Zaharra bezala ezagutzen dugun tokira igaro ziren txapelketak.  Gaur egun "Baratze Pilotalekuan" jokatzen dira partida gehienak, nahiz eta Frontoi Zaharreko ohiturari eusten zaion oraindik.