Segurako Udala

  • ONURADUNAK IZAN DAITEZKEENAK ETA BETE BEHARRAK:
     

    a) Uniber­tsi­tateetako udako euskarazko ikastaroak.
    Eskola-orduetatik kanpo egiten diren ikastaroek jasoko dituzte lagun­tzak. Zehazki, hainbat uniber­tsi­tatek ematen dituzten euskarazko udako ikastaroek: Udako Euskal Uniber­tsi­tateak, Euskal Herriko Uniber­tsi­tateak.
    Lagun­tzak jasoko dituzten ikastaroak euskaraz ematen direnak izango dira, beren gaia edozein delarik ere. Ikastaro horietara joaten direnei matrikularen %750 ordainduko dio Udalak (urtero Udalak erabakiko du matrikulako diru kopuru maximoa zenbatekoa izango den). Lagun­tzak matrikula ordain­tzeko eta ikastarora joateko garraioa ordain­tzeko (trena edo autobusa erabil­tze­arenak soilik) izango dira.
    Baldintza hauek betez gero:

    — Ikaslea edo langabea izatea.
    — Seguran erroldatuta egotea ikastaroa hasi baino bi urte lehenagotik.
    — Ikastaroan %80ko asisten­tzia, behin­tzat, izatea.
     

    b) Euskaldun­tzeko eta euskaraz alfabeta­tzeko ikastaroak.
    Euskara ikasteko, euskaraz alfabeta­tzeko, EGA atera­tzeko edo euskararen jakin­tzan sakon­tzeko ikastaroek jasoko dituzte lagun­tzak. Ikastaro horiek HABE-k homologatutako edozein euskaltegik emandakoak izango dira.
    Euskaldun­tze eta alfabeta­tze ikastaroetara joaten direnei, ordaindu dutenaren erdia itzu­liko die Udalak.
    Baldin­tza hauek betez gero:

    — Seguran erroldatua egotea (ikastaroa hasi baino urtebete lehenagotik). Horrela izan beharko da ikastaroak irauten duen epe guztian. Hori horrela ez balitz, hurrengo ikasturtean berriro izena emateko konpromisoa har­tzea baldin­tza modura onartuko da. Bietakoren bat bete­tzen ez bada, lagun­tza jaso­tzeko eskubidea galduko da.
    %80ko asisten­tzia izatea.
    Beste inongo erakundetatik diru lagun­tza­rik ez jaso­tzea.
    Beste nonbaitetik diru-lagun­tza jaso izanez gero, diferen­tzia ordainduko dio Udalak.

    Udalak, urtero erabakiko du zenbat diru bideratuko duen horretarako. Eska­tzaile guztien artean kopuru hori gaindituz gero, zatitu egingo da eta propor­tzioan emango zaie diru lagun­tza.
    Ordainketak banku transferen­tzia bidez edo ­txeke bidez egingo dira. Eskatzaile bakoitzak eskaera bakarra egin ahal izango du.
     

    ESKAERAK EGITEKO AURKEZTU BEHARREKO AGIRIAK:

    — Eskaera-orria beteta (honekin batera ikus dezakezu)
    Nortasun agiriaren fotokopia.
    Ordainagiria.
    Langabezia-txar­tela (langabezian egonez gero).
    Matrikula ordaindu izanaren fotokopia.
    Asisten­tzia ziurtagiria (gutxienez %80ko asistentzia frogatu beharko du).
    Udalak eska dezakeen edozein dokumentu.

    TRAMITAZIOAK PROZEDURA HAU JARRAITUKO DU:

    Eskaerak erregistratu ondoren, Komisioaren lehendakariak txos­tena egingo du, dagokion komisiorako.
    Dokumentazioa jaso eta txos­tena egin ondoren, Hezkun­tza eta Gazteria Komisioak eskaerak banan-banan aztertuko ditu, eta bakoi­tzari dagokion proposamena egingo du: Lagun­tza ematea edo ez ematea, eta ematea erabaki­tzen bada, zenbatekoa.
    Komisioaren proposamenak banan-banan aztertu eta erabakiko dira Udal Gobernu Batzor­dean, eta ­Batzorde hau izango da eska­tzaileari erabakia jakinaraziko diona.

    Jakinarazpenean Udalak emandako lagun­tza­ren zenbatekoa (lagun­tza badagokio) ere agertuko da.

Banerrak

Boletina /